काभ्रे । बडादशैंका अवसरमा काभ्रेपलाञ्चोक जिल्लाभर असोज ३१ गतेदेखि कात्तिक ९ गतेसम्म टिपर सञ्चालनमा रोक लगाइएको छ।
जिल्ला सुरक्षा समितिको असोज २७ गते बसेको बैठकको निर्णयअनुसार फूलपातीदेखि पूर्णिमासम्म टिपर सञ्चालनमा रोक लगाइएको जिल्ला प्रशासन कार्यालयले जनाएको छ।
बिपी र अरनिको राजमार्गलगायत जिल्लाका प्रमुख सडकमा सवारी चाप बढ्ने भएकाले दुर्घटनाको जोखिम न्यूनीकरण तथा यात्रुवाहक सवारीसाधनको आवागमन सहज र सुरक्षित बनाउन यस्तो निर्णय गरिएको सहायक प्रमुख जिल्ला अधिकारी एवं सूचना अधिकारी महेन्द्र विश्वकर्माले जानकारी दिए।
प्रशासनले तोकिएको अवधिभर टिपर सञ्चालन नगर्न तथा नगराउन सम्बन्धित सबैमा अनुरोध गरेको छ।
प्रतिक्रिया