काठमाडौं। देशभर मनसुनी वायुको प्रभाव कायम रहेकाले आज अधिकांश स्थानमा बदली रही चट्याङसहित वर्षा हुने सम्भावना रहेको मौसम पूर्वानुमान महाशाखाले जनाएको छ।
महाशाखाका अनुसार कोशी, बागमती, गण्डकी, लुम्बिनी, कर्णाली र सुदूरपश्चिमका पहाडी तथा हिमाली क्षेत्रमा मध्यम वर्षा हुने सम्भावना छ भने कोशी, गण्डकी, बागमती र लुम्बिनीका केही स्थानमा भारी वर्षा हुन सक्ने अनुमान गरिएको छ।
मधेस र लुम्बिनीका तराई क्षेत्रमा हावाहुरीको समेत सम्भावना रहेकाले आवश्यक सतर्कता अपनाउन आग्रह गरिएको छ।
२०८३ असार २३, मंगलवार ०७:०८ प्रकाशित
