काठमाडौं । मंगलबार बसेको मन्त्रिपरिषद् बैठकले सचिवमा बढुवा गरेका चक्रबहादुर बुढालाई राष्ट्रिय सतर्कता केन्द्रको सचिवमा पदस्थापन गरेको छ ।
यसैगरी राष्ट्रिय सतर्कता केन्द्रका सचिव भूपाल बराललाई राष्ट्रिय योजना आयोगको सचिवमा सरुवा गरिएको छ ।
राष्ट्रिय योजना आयोगका सचिव रविलाल पन्थ सेवानिवृत्त भएपछि आयोगको सचिव पद केही दिनदेखि रिक्त थियो । उक्त रिक्त पदमा बराललाई सरुवा गरिएको हो ।
बुढा मंगलबार नै नेपाल प्रशासन सेवातर्फ रिक्त सचिव पदमा बढुवा भएका थिए । बढुवा लगत्तै उनलाई राष्ट्रिय सतर्कता केन्द्रको सचिवको जिम्मेवारी दिइएको हो ।
प्रतिक्रिया