खाडीमा ड्रोन त्रास, सुरक्षा सतर्कता उच्च

काठमाडौं ।   कुवेत, बहराइन र साउदी अरबका केही क्षेत्रमा शनिबार सम्भावित शत्रुतापूर्ण ड्रोनको खतरा देखिएपछि सुरक्षा सतर्कता उच्च पारिएको छ। साइरन बजाउँदै नागरिकलाई सुरक्षित स्थानमा बस्न आग्रह गरिएको थियो। कुवेतले हवाई प्रतिरक्षा प्रणाली सक्रिय गरी आकाशमै सम्भावित लक्ष्य निष्क्रिय पारिएको जनाएको छ।

साउदी अरबले केही समयपछि सुरक्षा चेतावनी फिर्ता लिएको छ भने हालसम्म कुनै मानवीय वा भौतिक क्षतिको पुष्टि भएको छैन। ड्रोन कसले प्रक्षेपण गरेको भन्ने विषयमा आधिकारिक जानकारी सार्वजनिक भएको छैन।