वालेन्द्रका २६ सारथी : केहिको जिम्मेवारी हेरफेर , को मन्त्री, को राज्यमन्त्री, को सहसचिव ?

• २६ जनाको पूरा सूची सहित

काठमाडौं । प्रधानमन्त्री वालेन्द्र शाहको सचिवालयमा रहेका सल्लाहकार तथा सहयोगीहरूको जिम्मेवारी हेरफेर गरिएको छ । प्रधानमन्त्री तथा मन्त्रिपरिषद्को कार्यालयले सचिवालयमा कार्यरत व्यक्तिहरूको नाम, पद र जिम्मेवारी सार्वजनिक गर्दै प्रधानमन्त्रीका सारथीहरूको भूमिका थप स्पष्ट पारेको हो ।

प्रधानमन्त्रीको सचिवालयमा मुख्य सल्लाहकारदेखि राजनीतिक, स्वास्थ्य, नीति, प्रशासन तथा सुशासन र सूचना प्रविधिसम्बन्धी सल्लाहकारहरू छन् । त्यस्तै, मन्त्रालयगत समन्वय, अन्तरनिकाय समन्वय, सरकारका योजना, सामाजिक विकास, स्वास्थ्य, नागरिक उड्डयन, संस्कृति तथा सम्पदा र मिडिया व्यवस्थापनलगायतका जिम्मेवारीमा विभिन्न व्यक्तिहरू खटिएका छन् ।

सचिवालयमा रहेका पाँच जनाले मन्त्री तथा राज्यमन्त्रीसरहको सुविधा पाउने व्यवस्था छ । मुख्य सल्लाहकार कुमार व्यञ्जनकार, राजनीतिक सल्लाहकार असिम शाह र स्वास्थ्य सल्लाहकार प्रा.डा. जगदीशप्रसाद अग्रवाल मन्त्रीसरहको हैसियतमा छन् । त्यस्तै, नीति, प्रशासन तथा सुशासन सल्लाहकार सुदीप ढकाल र सूचना तथा सञ्चार प्रविधि सल्लाहकार विवेक मिश्र राज्यमन्त्रीसरहको सुविधा पाउने भूमिकामा छन् ।

प्रधानमन्त्रीको सचिवालयमा पछिल्लो समय जिम्मेवारी हेरफेर गर्दै विभिन्न विषयगत संयोजक र उपसंयोजकसमेत तोकिएको छ । विकास तथा मन्त्रालयगत समन्वय, अन्तरनिकाय समन्वय, सरकारका योजना, सामाजिक विकास र मिडिया व्यवस्थापनलगायतका क्षेत्रमा संयोजकको जिम्मेवारी दिइएको छ । त्यस्तै, नागरिक उड्डयन, सामाजिक विकास, संस्कृति तथा सम्पदा, स्वास्थ्य र नीति मस्यौदा अध्ययनका क्षेत्रमा उपसंयोजक तोकिएका छन् ।

प्रधानमन्त्रीको सचिवालयमा रहेका व्यक्तिहरूको जिम्मेवारी र सुविधा सरकारी कर्मचारीको विभिन्न तहसँग तुलना गरिएको छ । प्रमुख स्वकीय सचिव सचिवसरह, स्वकीय सचिव सहसचिवसरह तथा विभिन्न संयोजक सहसचिव र उपसचिवसरहको सुविधा पाउने गरी जिम्मेवारीमा छन् । सचिवालयका अन्य सदस्यहरू शाखा अधिकृत, नायब सुब्बा र सुब्बासरहका भूमिकामा रहेका छन् ।

प्रधानमन्त्री तथा मन्त्रिपरिषद्को कार्यालयले सचिवालयका सदस्यहरूको नाम, पद र जिम्मेवारी सार्वजनिक गरेसँगै प्रधानमन्त्रीका सारथीहरूको संरचना र भूमिका बुझ्न सहज भएको छ ।

प्रधानमन्त्री वालेन्द्रका सारथी : २६ जनाको पूरा सूची

प्रधानमन्त्री तथा मन्त्रिपरिषद्को कार्यालयमा सार्वजनिक विवरण तथा पछिल्लो जिम्मेवारी हेरफेरसम्बन्धी समाचारका आधारमा

मन्त्री तथा राज्यमन्त्रीसरहका सल्लाहकार

सचिव तथा सहसचिवसरहका सारथी

उपसचिवसरहका सारथी

शाखा अधिकृत तथा अन्य कर्मचारीसरहका सारथी