पश्चिमी वायुको प्रभावः हिमाली र पहाडी क्षेत्रमा वर्षा तथा हिमपातको सम्भावना

प्रशासन पोस्ट २०८३ कार्तिक २९, आइतवार ०८:०१

काठमाडौं । नेपालमा पश्चिमी वायुको आंशिक प्रभाव रहँदा देशका हिमाली तथा पहाडी भूभागमा बदली भएको छ। मौसम पूर्वानुमान महाशाखाका अनुसार आज कर्णाली, सुदूरपश्चिम र गण्डकी प्रदेशका केही स्थानमा चट्याङ र असिनासहित वर्षा तथा हिमपातको सम्भावना रहेको छ।त्यस्तै, कोशी, बागमती र लुम्बिनी प्रदेशका हिमाली तथा पहाडी क्षेत्रमा पनि हल्का वर्षा र हिमपात हुन सक्ने महाशाखाले जनाएको छ।

आज राति पनि हिमाली भूभागमा सामान्य बदली रहनेछ भने कोशी, गण्डकी र कर्णाली प्रदेशका पहाडी तथा हिमाली क्षेत्रका एक–दुई स्थानमा हल्का वर्षा र हिमपातको सम्भावना छ।