बेलकामा करेन्ट लागेर विद्युत कर्मचारीको मृत्यु

काठमाडौं। उदयपुरको बेलका नगरपालिका–९ रामपुरमा बुधबार मिटर बक्सको तार जोड्ने क्रममा करेन्ट लागेर नेपाल विद्युत प्राधिकरण रामपुरमा कार्यरत ४० वर्षीय मिलन राईको मृत्यु भएको छ। करेन्ट लागेपछि उनी करिब ४ मिटर माथिबाट खसेर गम्भीर घाइते भएका थिए।

रामपुर नगर अस्पतालमा प्रारम्भिक उपचारपछि थप उपचारका लागि विराटनगरस्थित नोबेल अस्पताल लगिएकोमा उपचारकै क्रममा दिउँसो १२:०५ बजे चिकित्सकले मृत घोषणा गरेका हुन्। घटनाबारे इलाका प्रहरी कार्यालय रामपुरठोक्सिलाले थप अनुसन्धान गरिरहेको प्रहरीले जनाएको छ।