धादिङ । रसुवामा आएको बाढीमा परेकामध्ये धादिङमा ६ जनाको शव फेला परेको छ। जिल्ला प्रहरी कार्यालय धादिङका अनुसार दिउँसो ३ बजेसम्म गल्छी गाउँपालिका–महेश दोभानमा एक महिला, गल्छीको कोल्फु खोला पुलनजिकै दुई पुरुष, सिद्धलेक गाउँपालिका–७ स्थित त्रिशूली नदी किनारमा एक जना तथा बेनिघाट रोराङ गाउँपालिका–बेनिघाट बजारनजिकै दुई महिलाको शव फेला परेको हो।
धादिङ प्रहरीले हालसम्म बाढी प्रभावित ७ जनाको उद्धार गरिएको जनाएको छ। उद्धार गरिएका घाइतेलाई स्थानीय अस्पतालमा उपचारका लागि लगिएको प्रहरीले जनाएको छ।
