फेसबुक, म्यासेन्जर र इन्स्टाग्राममा प्राविधिक समस्या

काठमाडौं । मेटाअन्तर्गतका फेसबुक, म्यासेन्जर र इन्स्टाग्राममा बुधबार प्राविधिक समस्या देखिएको छ। नेपालसहित विभिन्न देशका प्रयोगकर्ताहरूले सन्देश पठाउन–प्राप्त गर्न, लगइन गर्न, न्युज फिड रिफ्रेस गर्न तथा एप लोड गर्न समस्या भएको बताएका छन्।

डाउनडिटेक्टरका अनुसार फेसबुक र म्यासेन्जरसम्बन्धी गुनासो एकाएक बढेको छ। यद्यपि, मेटाले समस्याको कारणबारे हालसम्म कुनै आधिकारिक जानकारी सार्वजनिक गरेको छैन। प्रारम्भिक रूपमा समस्या केही निश्चित क्षेत्रका प्रयोगकर्तामा बढी देखिएको बताइएको छ।