काठमाडौँ । व्यवसायी दुर्गा प्रसाईंले आफ्ना सार्वजनिक अभिव्यक्तिविपरीत बीएन्डसी मेडिकल कलेजको बैंक ऋण नियमित रूपमा तिरिरहेको बैंकहरूले बताएका छन्। आर्थिक वर्ष २०८२/८३ को असार मसान्तसम्म उनले ७ पटकमा साढे १२ करोड रुपैयाँभन्दा बढी साँवा–ब्याज भुक्तानी गरेका छन्।
बैंकका अनुसार कर्जा पुनर्संरचनापछि बीएन्डसीले नियमित किस्ता तिर्दै आएको छ। प्रसाईंले हालसम्म ८७ करोड रुपैयाँ ब्याज तिरेको र मेडिकल कलेज सञ्चालनमा आएपछि आम्दानी बढेकाले ऋण भुक्तानी नियमित भएको बताएका छन्। बैंकहरूको भनाइमा बीएन्डसीको कर्जा भुक्तानीमा सुधार आएपछि कम्पनीको वित्तीय अवस्था पनि क्रमशः सुदृढ बन्दै गएको छ।
२०८३ श्रावण ५, मंगलवार १९:१५ प्रकाशित
