युक्रेन । रुस र युक्रेन रुसको कब्जामा रहेको युक्रेनी सहर ओलेस्कीमा अक्टोबर २७ देखि युद्धविराम गर्न र आगामी महिना नयाँ शान्ति वार्ता गर्ने सहमतिमा पुगेका छन्। अमेरिकी प्रथम महिला मेलानिया ट्रम्पको मध्यस्थतामा सहमति जुटेको जनाइएको छ।
ह्वाइट हाउसका अनुसार युद्धअघि करिब २४ हजार जनसङ्ख्या रहेको ओलेस्कीमा हाल १ हजार ७ सयदेखि २ हजार जनामात्रै बाँकी छन्। युद्धविरामले मानवीय सहायता पुर्याउन र सर्वसाधारणलाई सुरक्षित स्थानमा स्थानान्तरण गर्न सहज हुने अपेक्षा गरिएको छ।
अमेरिकी अधिकारीका अनुसार आगामी त्रिपक्षीय वार्ता केही हप्ताभित्र आबु धाबी वा स्विट्जरल्याण्डमा हुन सक्नेछ। युक्रेनी राष्ट्रपति भोलोदिमिर जेलेन्स्कीले पनि शान्ति वार्ताकारहरू आगामी महिना छलफलको नयाँ चरणका लागि भेट्ने पुष्टि गरेका छन्।
प्रतिक्रिया