सिरहामा पेस्तोलसहित तीन युवक पक्राउ

काठमाडौँ । सिरहाको लक्ष्मीपुर पतारी गाउँपालिका–६ स्थित सलोखरी दास टोलबाट प्रहरीले पेस्तोल र म्याग्जिनसहित तीन युवकलाई पक्राउ गरेको छ।

मंगलबार राति शंकाका आधारमा गरिएको चेकजाँचका क्रममा साबरजित दासको साथबाट एक थान पेस्तोल र एउटा म्याग्जिन बरामद भएको जिल्ला प्रहरी कार्यालय सिरहाले जनाएको छ।

पक्राउ परेका तीनैजनालाई इलाका प्रहरी कार्यालय लहानमा राखी हतियारको स्रोत, प्रयोगको उद्देश्य तथा घटनाबारे थप अनुसन्धान भइरहेको प्रहरीले जनाएको छ।