युक्रेनमा रुसी मिसाइल–ड्रोन आक्रमण, ८ को मृत्यु

काठमाडौं ।   रुसले युक्रेनमाथि शनिबार राति गरेको मिसाइल र ड्रोन आक्रमणमा ८ जनाको मृत्यु भएको छ भने दर्जनौं घाइते भएका छन्। सुमी शहरमा ग्लाइड बम बस स्टपमा खस्दा ३० जना घाइते भएका छन्।

युक्रेनले १११ वटा ड्रोन र २ वटा क्रुज मिसाइल अवरोध गरेको दाबी गरेको छ। राष्ट्रपति भोलोदिमिर जेलेन्स्कीले बढ्दो आक्रमण रोक्न सहयोगी राष्ट्रहरूलाई हतियार आपूर्ति तीव्र बनाउन आग्रह गरेका छन्।