काठमाडौं । सत्तारुढ राष्ट्रिय स्वतन्त्र पार्टी (रास्वपा) का २० सांसद ११ दिने चीन भ्रमणमा जाने भएका छन् ।
चिनियाँ कम्युनिस्ट पार्टी (सीपीसी) को निमन्त्रणामा महामन्त्री विपिनकुमार आचार्यको नेतृत्वमा सांसदहरूको टोली चीन जान लागेको हो ।
टोलीले बेइजिङ, हाङचोउ र सिचुवानलगायतका सहरको भ्रमण गर्ने कार्यक्रम छ ।
भ्रमणका क्रममा चीनले कृत्रिम बुद्धिमत्ता, डिजिटल प्रविधि, नवप्रवर्तन तथा औद्योगिक विकासमा हासिल गरेका उपलब्धिबारे अध्ययन गरिनेछ ।
त्यस्तै, चीनको प्रविधि र विकासका अनुभवलाई नेपालको कृषि, स्वास्थ्य, शिक्षा, उद्योग तथा उद्यमशीलता विकासमा उपयोग गर्ने सम्भावनाबारे छलफल हुने जनाइएको छ ।
भ्रमणले नेपाल–चीन सम्बन्ध थप सुदृढ बनाउनुका साथै आर्थिक, प्राविधिक र विकासका क्षेत्रमा सहकार्यको नयाँ आधार तयार गर्ने अपेक्षा गरिएको छ ।
प्रतिक्रिया