काठमाडौँ । भोटेकोशीमा आएको बाढीबाट प्रभावित नुवाकोटको विदुर नगरपालिका–१० बेत्रावतीमा एउटै घरबाट २४ जनाको शव फेला परेको छ।
नुवाकोटका प्रहरी प्रमुख (एसपी) विपिन रेग्मीका अनुसार सुरक्षाकर्मीले खोजी गर्ने क्रममा घरबाट १३ महिला र ११ पुरुषको शव उत्खनन गरेका हुन्। मृतकमध्ये एक बालक पनि रहेको बताइएको छ।
फेला परेका शवको पहिचान खुल्न सकेको छैन। प्रहरीले शव पोस्टमार्टमका लागि काठमाडौँस्थित त्रिवि शिक्षण अस्पताल पठाएको जनाएको छ।
