विष्णु पौडेललाई थप ६ दिन हिरासतमा राख्न अनुमति

काठमाडौ  । विशेष अदालतले नेकपा एमालेका उपाध्यक्ष विष्णुप्रसाद पौडेललाई सम्पत्ति शुद्धीकरणसम्बन्धी अनुसन्धानका लागि थप ६ दिन हिरासतमा राख्न अनुमति दिएको छ।

बिहीबार न्यायाधीशहरू हेमन्त रावल, डिल्लीरत्न श्रेष्ठ र उमेश कोइरालाको इजलासले म्याद थप गरेको हो।

सम्पत्ति शुद्धीकरण अनुसन्धान विभागले असार ८ गते सुर्खेतबाट पक्राउ गरेका पौडेलविरुद्ध हाल अनुसन्धान जारी रहेको छ।