मनसुनमा बिपी राजमार्ग पुरानै ट्र्याकबाट सञ्चालन हुने

काठमाडौं  । गत वर्षको बाढीले क्षति पुर्‍याएको बिपी राजमार्ग यस वर्षको मनसुनमा पुरानै ट्र्याकबाट सञ्चालन गर्ने तयारी गरिएको छ। जोखिमयुक्त अधिकांश स्थानमा संरक्षण पर्खाल निर्माण अन्तिम चरणमा पुगेको र पुनर्निर्माण कार्य तीव्र गतिमा भइरहेकाले सामान्य अवस्थामा पुरानै मार्गबाट सवारी सञ्चालन गरिने सडक डिभिजन कार्यालय भक्तपुरले जनाएको छ।

हाल पुनर्निर्माणका विभिन्न ठेक्कामार्फत काम भइरहेको छ भने अधिकांश जोखिमयुक्त स्थानमा सवारी सञ्चालन गर्न मिल्ने अवस्था बनिसकेको छ। वर्षाअघि बाँकी काम सम्पन्न गरी सुरक्षित रूपमा यातायात सञ्चालन सुनिश्चित गर्न सम्बन्धित निकायलाई निर्देशन दिइएको छ।