अमेरिकाको लगातार दोस्रो जित, नकआउट यात्रा लगभग सुनिश्चित

काठमाडौं ।  फिफा विश्वकप २०२६ अन्तर्गत समूह ‘डी’ को खेलमा अमेरिकाले अष्ट्रेलियालाई २–० गोलले पराजित गर्दै लगातार दोस्रो जित हासिल गरेको छ। सिएटल स्टेडियममा भएको खेलमा अष्ट्रेलियाका डिफेन्डर क्यामरुन बर्गेसको आत्मघाती गोल र एलेक्स फ्रीम्यानको गोलमा अमेरिका विजयी बन्यो।

यस जितसँगै अमेरिकाले दुई खेलबाट ६ अंक जोड्दै कम्तीमा उत्कृष्ट तेस्रो स्थानका रूपमा नकआउट चरणमा स्थान सुरक्षित गरेको छ। तीन अंक रहेको अष्ट्रेलियाको अघिल्लो चरण प्रवेशको सम्भावना भने अन्तिम खेलमा निर्भर रहनेछ।