काठमाडौं । एसीसी मेन्स यू–१६ इस्ट जोन कप क्रिकेटमा आइतबार नेपालले तुफानी ब्याटिङ गर्दै विशाल स्कोर बनाएको छ । आजको खेलमा टस हारेर पहिले ब्याटिङ गरेको नेपालले इन्डोनेशियालाई ४२१ रनको लक्ष्य दिएको हो ।
नेपालले निर्धारित ५० ओभरको खेलमा पाँच विकेट गुमाउँदै ४२० रन बनाउँदा प्रशिद्ध जैसीले शतक बनाए । जैसीले ११४ बलमा १३२ रन बनाउँदा अर्का ओपनर परिमार्जन यादवले तुफानी इनिङ खेल्दै २८ बलमा ७१ रन बनाए ।
रौनक श्रीवास्तवले ८८, जोय थापा ५७ रन बनाए । सुगम बुढाथोकीले नटआउट ३९ रन बनाउँदा रोशन शाहीले १० रन बनाए । इन्डोनेशियाका लागि केतुत धर्मपुत्रले २ विकेट लिँदा रायन रिजा अथालिया, महेन्द्र अजी युद्ध प्रतमा र कविन निरज चड्डाले एक/एक विकेट लिए ।
२०८२ असार १५, आईतवार १२:०४ प्रकाशित
