नेप्से ५.४५ अंकले घट्दा कारोबार ७ महिनायताकै उच्च

प्रशासन पोस्ट २०८३ कार्तिक १३, शुक्रवार १५:२५

काठमाडौं । साताको अन्तिम कारोबार दिन शुक्रबार सेयर बजार परिसूचक नेप्से ५.४५ अंकले घटेर २६९० अंकमा झरेको छ। कारोबार अवधिमा २७१२ अंकसम्म पुगेको बजार अन्तिम समयमा घटेर बन्द भएको हो।

नेप्से घटे पनि कारोबार रकम भने सात महिनायताकै उच्च पुगेको छ। शुक्रबार कुल ८ अर्ब ८९ करोड रुपैयाँको सेयर कारोबार भएको छ। यो गत वैशाख ३ गतेयताकै उच्च कारोबार हो।

आज १०२ कम्पनीको सेयर मूल्य बढ्दा १६९ कम्पनीको घटेको छ भने ८ कम्पनीको मूल्य स्थिर रह्यो। समूहगत रूपमा विकास बैंक सूचक सर्वाधिक १.६१ प्रतिशतले बढेको छ।

कम्पनीगत रूपमा बेनी हाइड्रोपावरको सेयर मूल्य सर्वाधिक १५ प्रतिशतले बढेको छ। स्वाभिमान लघुवित्तको १२.११ प्रतिशत र लुम्बिनी विकास बैंकको ७ प्रतिशतले मूल्य वृद्धि भएको छ।