प्रचण्डको नेतृत्वमा सरकारविरुद्ध संयुक्त मोर्चा बनाएर आन्दोलनको तयारी

शुक्रबार काठमाडौंमा आयोजित कार्यक्रममा बोल्दै प्रचण्डले सरकारमाथि सुकुम्बासी, ट्रेड युनियन, मजदुर, किसान तथा बुद्धिजीवीमाथि दमन र ज्यादती गरेको आरोप लगाए। त्यसविरुद्ध संयुक्त रूपमा आन्दोलन अघि बढाउनुपर्ने उनको भनाइ थियो।

प्रस्तावित आन्दोलनबारे विभिन्न राजनीतिक दल, बुद्धिजीवी र नागरिक समाजका प्रतिनिधिसँग छलफल भइरहेको र छलफल सकारात्मक रूपमा अघि बढिरहेको प्रचण्डले बताए।

उनले चाडपर्व सकिएपछि नयाँ आन्दोलनको वातावरण निर्माण गर्ने तयारी रहेको समेत बताए। साथै, जनतामा नयाँ भनिएको सरकारप्रतिको भ्रम हट्दै गएको र स्थापित राजनीतिक दल तथा नेताप्रति आकर्षण पुनः बढिरहेको उनको दाबी थियो।