काठमाडौं । रसुवाको भोटेकोशीमा आएको विनाशकारी बाढीपछि बिहीबार बिहानसम्म विभिन्न आठ जिल्लाबाट १ हजार ३ सय ७४ जनाको शव फेला परेको प्रहरीले जनाएको छ।
प्रहरीका अनुसार रसुवामा १७८, नुवाकोटमा १९७, धादिङमा ७०, चितवनमा ३६४, गोरखामा ७७, तनहुँमा ३८, नवलपरासी पूर्वमा २२८ र नवलपरासी पश्चिममा २२२ जनाको शव फेला परेको हो।
शव पहिचानका लागि मृतक तथा आफन्तका गरी २ हजार ९ सय २५ डीएनए नमुना संकलन गरिएको छ। हालसम्म १ हजार १४८ शव व्यवस्थापन भइसकेका छन् भने १ हजार २९२ शवको पहिचान हुन बाँकी छ।
बाढी प्रभावित क्षेत्रमा खोज तथा उद्धार, राहत र शव व्यवस्थापनका लागि ७ हजार ९ सय ७५ प्रहरी कर्मचारी परिचालन गरिएको छ। अझै ४ हजार ८९ जना बेपत्ता रहेकाले खोजी कार्य जारी रहेको प्रहरीले जनाएको छ। विभिन्न जिल्लाका होल्डिङ सेन्टरमा २ हजार ९८९ जना राखिएका छन्।
प्रतिक्रिया