काठमाडौँ। चक्रवाती आँधी ‘अर्नब’को सम्भावित प्रभावलाई मध्यनजर गर्दै सरकारले मातहतका सबै निकायलाई उच्च सतर्कताका साथ तयारी अवस्थामा रहन निर्देशन दिएको छ।
चक्रवातका कारण नेपालमा वर्षा, हिमपात र हावाहुरीको सम्भावना रहेकाले जनधनको सुरक्षा तथा जोखिम न्यूनीकरणका लागि आवश्यक तयारी गरिएको प्रधानमन्त्री तथा मन्त्रिपरिषद्को कार्यालयले जनाएको छ।
सरकारले पदयात्रा तथा पर्वतारोहणमा जानुअघि मौसम पूर्वानुमान बुझ्न, हवाई सुरक्षामा सतर्कता अपनाउन र आधिकारिक सूचनामात्र विश्वास गर्न सर्वसाधारणलाई आग्रह गरेको छ। साथै, सम्भावित जोखिमबाट बच्न आवश्यक सावधानी अपनाउन अपिल गरेको छ।
प्रतिक्रिया