काठमाडौं । अमेरिकाको ओहायोस्थित पूर्व नाभिस्टार ट्रक कारखानामा भएको ठूलो कर्मचारी कटौतीपछि करिब १४ हजार कामदार रोजगारीविहीन भएका छन्। दक्षिणपश्चिमी ओहायोको डेटन क्षेत्रमा भएको यस कटौतीले स्थानीय श्रमिक समुदायमा आर्थिक चिन्ता बढाएको छ।
रोजगारी गुमाउनेमध्ये ३० वर्षीय काइल बोस पनि छन्। दुई छोरीका पिता बोसको अर्को बच्चा जनवरीमा जन्मिने तयारीमा छ। उनले खाद्यान्नलगायत दैनिक उपभोग्य वस्तुको मूल्य बढेकाले परिवारको खर्च धान्न झन् कठिन भएको बताएका छन्।
यसअघि तीन पटक डोनाल्ड ट्रम्पलाई मतदान गरेका बोसले पछिल्लो अवस्थाबाट आफू निराश भएको बताएका छन्। उनले आगामी नोभेम्बरको चुनावमा डेमोक्र्याटिक पार्टीका लागि मतदातासँग सम्पर्क गर्ने अभियानमा सहभागी हुने बताएका छन्।
यसैबीच, ट्रम्पले शनिबार सोही क्षेत्रमा चुनावी सभा गर्ने कार्यक्रम छ। कुनै समय उद्योग र रोजगारीका लागि परिचित डेटन क्षेत्रमा ठूलो रोजगारी कटौती र बढ्दो जीवनयापन खर्चले स्थानीय परिवारमाथि आर्थिक दबाब थपिएको छ।
प्रतिक्रिया