काठमाडौं। बाढी, पहिरो तथा सडक मर्मतका कारण देशका विभिन्न प्रमुख राजमार्गमा यातायात प्रभावित भएको छ। नेपाल प्रहरीका अनुसार बागमती र कर्णाली प्रदेशका केही सडकखण्ड पूर्ण रूपमा अवरुद्ध छन् भने केहीमा एकतर्फी यातायात सञ्चालन भइरहेको छ।
काभ्रेको बीपी राजमार्ग, रसुवाका मुख्य सडक, नुवाकोटको पसाङ ल्हामु सडकखण्ड, धादिङको पृथ्वी राजमार्ग र हुम्लाको कर्णाली करिडोरका विभिन्न स्थानमा सडक अवरुद्ध भएको प्रहरीले जनाएको छ।
धादिङको ज्वाङखोला र शीतलबजार तथा चितवनको नारायणगढ–मुग्लिन सडकखण्डमा भने पहिरो पन्छाउने तथा सडक मर्मतका कारण एकतर्फी रूपमा सवारी सञ्चालन भइरहेको छ। प्रहरीले यात्रुलाई सडकको अवस्था बुझेर मात्र यात्रा गर्न आग्रह गरेको छ।
प्रतिक्रिया