बागमती, गण्डकी, कोशी र लुम्बिनी प्रदेशका केही स्थानमा चट्याङ्गसहित भारी वर्षा

काठमाडौं । हाल देशभर मनसुनी वायुको प्रभाव कायम रहेकाले आज देशका अधिकांश स्थानमा सामान्यदेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ।

बागमती, गण्डकी, कोशी र लुम्बिनी प्रदेशका केही स्थानमा चट्याङ्गसहित भारी वर्षा हुन सक्ने भएकाले सतर्कता अपनाउन आग्रह गरिएको छ।

रातिको समयमा पनि देशका विभिन्न भूभागमा वर्षा जारी रहने सम्भावना रहेको महाशाखाले जनाएको छ।