काठमाडौँ। लोक सेवा आयोगले उपसचिव पदको अन्तिम नतिजा सार्वजनिक गरेको छ।
आयोगको केन्द्रीय कार्यालयले ३० वैशाख २०८२ मा जारी गरेको सूचनाअनुसार नेपाल लेखापरीक्षण सेवा, नेपाल प्रशासन सेवा (राजश्व, लेखा, र सामान्य प्रशासन समूह), तथा नेपाल न्याय सेवा (कानुन र न्याय समूह) तर्फका उपसचिव पदको अन्तिम नतिजा प्रकाशित गरेको हो।
यस अन्तर्गत लिखित, कंप्युटर सीप परीक्षा र अन्तर्वार्ता सम्पन भएका उम्मेदवारमध्ये अन्तिम छनोटमा परेका उम्मेदवारहरूको नामावली आयोगको वेबसाइटमा उपलब्ध गराइएको छ।
आयोगले सफल उम्मेदवारहरूलाई तोकिएको मिति भित्र कागजातहरू बुझाउन र नियुक्ति प्रक्रियामा सहभागी हुन अनुरोध गरेको छ।
२०८२ बैशाख ३१, बुधबार १५:५१ प्रकाशित
