काठमाडौँ, २१ चैत। राष्ट्रिय प्रजातन्त्र पार्टी (राप्रपा) ले तीनकुने घटनाबारे स्वतन्त्र छानबिन आयोग गठनको माग गरेको छ। पार्टीले सर्वोच्च अदालतका पूर्वन्यायाधीशको नेतृत्वमा मानवअधिकार आयोग र नागरिक समाजको समावेशी आयोग गठन गर्न आग्रह गरेको हो।
राप्रपाको प्रतिनिधिमण्डलले आज कार्यवाहक प्रधानमन्त्री प्रकाशमान सिंहलाई ध्यानाकर्षण पत्र बुझाउँदै गृहमन्त्रीको राजीनामा, प्रहरी प्रमुख र प्रशासनिक नेतृत्वको निलम्बन, मृतकलाई शहीद घोषणा र घाइतेको नि:शुल्क उपचारको व्यवस्था गर्न माग गरेको छ।
राप्रपाले तीनकुने घटनामा संलग्न व्यक्तिहरूको जिम्मेवारी सुनिश्चित गर्न बन्दीहरूको रिहाइ पनि गर्नुपर्ने बताएको छ।
२०८१ चैत्र २१, बिहीबार १४:०१ प्रकाशित
