काठमाडौं
निर्वाचन आयोगले नयाँ राजनीतिक दल दर्ताका निम्ति निवेदन माग गरेकोमा थप १५ दलले निवेदन दिएकोमा उनीहरुको कागजात स्वीकृतिका लागि अध्ययन गरिरहेको आयोगले जनाएको छ ।
आउँदो फागुन २१ गते हुने गरी प्रतिनिधिसभा सदस्यको निर्वाचन घोषणा गरिनुअघि १० दलले दर्ताका निम्ति निवेदन दिइएका थिए निर्वाचन घोषणापछि पाँच दल दर्ताका निम्ति निवेदन दिइएको र तिनका कागजात विचाराधीन अवस्थामा रहेको आयोगको भनाइ छ।
सामान्यतः आयोगमा दल दर्ताका निम्ति जहिले पनि निवेदन दिन सकिन्छ। तर, ‘जेनजी’ आन्दोलनपश्चात् नयाँ सरकार गठन भई प्रतिनिधिसभा विघटन र निर्वाचन घोषणा गरिएको परिवेशमा युवापुस्ताको समेत सहभागितामा दल दर्ताको क्रम देखिएको छ।
प्रक्रिया पुग्नेको आवेदन स्वीकृत हुने आयोगका प्रवक्ता नारायणप्रसाद भट्टराईले जानकारी दिए ।
२०८२ कार्तिक ७, शुक्रबार १७:१५ प्रकाशित
