देउवा समूहले ७६ जिल्लामा केन्द्रीय प्रतिनिधि तोक्यो को कहाँ ? (सूचीसहित)

काठमाडौँ । नेपाली कांग्रेसका निवर्तमान सभापति शेरबहादुर देउवा समूहले समानान्तर महाधिवेशनका लागि ७६ जिल्लामा केन्द्रीय प्रतिनिधि तोकेको छ।

पूर्वमहामन्त्री डा. शशांक कोइरालाको संयोजकत्वमा गठित महाधिवेशन आयोजक समितिले रुकुम पश्चिमबाहेक सबै जिल्लामा प्रतिनिधि खटाएको हो। समूहले असोज १५ गतेदेखि वडा अधिवेशन सुरु गरी आगामी मंसिर २१ देखि २३ गतेसम्म केन्द्रीय महाधिवेशन गर्ने कार्यतालिका यसअघि सार्वजनिक गरिसकेको छ।

कोशी, मधेस, बागमती, गण्डकी, लुम्बिनी, कर्णाली र सुदूरपश्चिम प्रदेशका जिल्लामा प्रतिनिधि तोकिएका छन्। संयोजक डा. कोइरालाले केन्द्रीय प्रतिनिधि तोक्ने निर्णयमा हस्ताक्षर गरेका हुन्।

समूहका नेता दीपक खड्काका अनुसार कोशी प्रदेशका ताप्लेजुङमा प्रताप प्रकाश हङ्गाम, पाँचथरमा सुर्यकुमार दाहाल, इलाममा सुजाता परियार केन्द्रीय प्रतिनिधि तोकिएका छन् ।

त्यस्तै झापामा कृष्ण हुमागाईं, संखुवासभामा दिपक खड्का, तेह्रथुममा केशव ढुंगाना, भोजपुरमा उत्तम चापागाईं, धनकुटामा कमोट फागु, मोरङमा केदार कार्की, सुनसरीमा लक्ष्मी खतिवडा, सोलुखुम्बुमा सुभराम बस्नेत, खोटाङमा सरस्वती बजीमय, ओखलढुंगमा गोमा केसी र उदयपुरमा नारायण बहादुर कार्की केन्द्रीय प्रतिनिधि तोकिएका छन् ।