काठमाडौं। लगातार सात कारोबार दिन घटेको सेयर बजार बुधबार सुधारिएको छ। नेप्से परिसूचक ४४.५९ अंकले बढेर २,६५२ अंकमा पुगेको छ।
बजारसँगै कारोबार रकम पनि बढेको छ। अघिल्लो दिन ३ अर्ब २५ करोड रुपैयाँको कारोबार भएकोमा बुधबार ३ अर्ब ८६ करोड रुपैयाँ बराबरको सेयर किनबेच भयो।
यस दिन २५२ कम्पनीको सेयर मूल्य बढ्दा १७ कम्पनीको मूल्य घट्यो भने ६ कम्पनीको मूल्य स्थिर रह्यो। सबै उपसमूहका सूचकहरू हरियो रहे, जसमा उत्पादन, जलविद्युत् र व्यापार समूहमा २ प्रतिशतभन्दा बढीको वृद्धि भएको छ। बैंकिङ, विकास बैंक, फाइनान्स, होटल तथा पर्यटन, लगानी, जीवन बीमा, निर्जीवन बीमा, माइक्रोफाइनान्स र अन्य समूहमा पनि सकारात्मक सुधार देखिएको छ।
२०८३ असार १७, बुधबार १९:२८ प्रकाशित
