काठमाडौँ । भारतको वायु सेना प्रमुखले पाकिस्तानद्वारा गरिएको ड्रोन तथा मिसाइल आक्रमणलाई भारतीय वायु रक्षा प्रणालीले सफलतापूर्वक रोक्न सकेको दाबी गरेका छन्।
‘अपरेशन सिन्दूर’ बारे जानकारी दिन आयोजित प्रेस ब्रिफिङमा वायु सञ्चालन महानिर्देशक एयर मार्शल एके भारतीले भारतको वायु रक्षा प्रणाली शत्रुको आक्रमणबाट देशलाई सुरक्षित राख्न एक मजबुत पर्खाल साबित भएको बताए।
उनका अनुसार, पाकिस्तानले चिनियाँ मिसाइल पीएल–१५ प्रयोग गरेको थियो जुन आक्रमण पनि रोकिएको छ। उनले भने, “पाकिस्तानी सेनाले आतंकवादी समूहहरूलाई समर्थन गर्दै आक्रमणलाई आफ्नो लडाइँ बनाए, जसको परिणामस्वरूप उनीहरूले गम्भीर क्षति बेहोरे।”
भारतीय सेनाले मे ७ मा आतंकवादी लुक्ने स्थानहरूलाई लक्षित गरेर कारबाही गरेको उल्लेख गर्दै भारतीले यस्तो कदम राष्ट्रको सुरक्षा सुनिश्चित गर्न आवश्यक भएको बताए।
२०८२ बैशाख ३०, मंगलवार १२:१३ प्रकाशित
