काठमाडौँ। प्रमुख निर्वाचन आयुक्त दिनेशकुमार थपलिया आफ्नो ६ वर्षे कार्यकाल पूरा गरी शुक्रबार अवकाश भएका छन्।
२०७६ सालको वैशाख ६ गते नियुक्त भएका थपलियाले २०७९ मा स्थानीय तह निर्वाचन र २०८० मा प्रतिनिधि सभा तथा प्रदेश सभा निर्वाचनको सफल सञ्चालन गरेका थिए।
उनको विदाइका अवसरमा निर्वाचन आयोगका पदाधिकारी र कर्मचारीहरूले सम्मानसाथ बिदाइ गरेका हुन्।
थपलिया प्रमुख निर्वाचन आयुक्त नियुक्त हुनुअघि नेपाल सरकारका सचिवका रूपमा संघीय मामिला तथा सामान्य प्रशासन मन्त्रालयमा कार्यरत थिए।
नेपालको संविधानअनुसार निर्वाचन आयोगका आयुक्तहरूको कार्यकाल ६ वर्षको हुने व्यवस्था छ।
२०८२ बैशाख ६, शनिबार १०:१५ प्रकाशित
