एकैदिन ७० अंक बढ्यो नेप्से

नेप्से ६९.८० अंकले बढेर २७२७.५८ विन्दुमा बन्द भएको छ।

यसदिन गत पाँच महिनायताकै उच्च सेयर कारोबार भएको छ।

यसअघि गत भदौ १८ गते १३ अर्ब ५७ करोडको सेयर किनबेच भएको थियो।

आज १२ अर्ब ९५ करोडको सेयर कारोबार भएको छ। यो रकम भदौ १८ गतेपछिकै उच्च हो।

गत कारोबार दिन अर्थात् मंगलबार भने नौ अर्ब ४० करोडको सेयर कारोबार भएको थिय

अघिल्लो दिनको तुलनामा भने कारोबार रकममा तीन अर्ब ५५ करोड रूपैयाँ वृद्धि भएको हो।

आज ३३० वटा धितोपत्रको दुई करोड ४८ लाख ४८ हजार ७९ कित्ता सेयर किनबेच भएको हो।

आइतबार २०२ कम्पनीको सेयर मूल्य बढेको छ भने ३७ वटाको घटेको छ। यस्तै तीन कम्पनीको मूल्य स्थिर रहेको छ।

यसदिन नौ कम्पनीको सेयर मूल्यमा सकारात्क सर्किट लागेको छ।

उन्नति सहकार्य लघुवित्त, ग्लोबल आइएमई लघुवित्त, अभियान लघुवित्त, विजय लघुवित्त, भूगोल इनर्जी, ग्रामीण विकास लघुवित्त र एनएमबी माइक्रोफाइनान्सको सेयर मूल्य १० प्रतिशतका दरले बढेको छ भने समता घरेलु लघुवित्त र न्यादी हाइड्रोपावरको मूल्य ९.९९ प्रतिशतका दरले बढेको छ।

आइतबार सामुदायिक लघुवित्तको सेयर मूल्य सर्वाधिक १० प्रतिशतले घटेको छ।

उक्त कम्पनीको प्रतिकित्ता मूल्य दुई हजार ५६८ रूपैयाँ ६० पैसामा झरेको छ।

यस्तै, सप्तकोशी डेभलपमेन्ट बैंकको मूल्य ८.२० प्रतिशतले घटेर प्रतिकित्ता मूल्य एक हजार २७८ रूपैयाँ २० पैसा कायम भएको छ।

आइतबार एनआरएन इन्फ्रास्ट्रक्चरको सर्वाधिक कारोबार भएको छ।

कम्पनीको प्रतिकित्ता मूल्य एक हजार ३८९ रूपैयाँ ९० पैसामा ४१ करोड ९७ लाख रूपैयाँको सेयर कारोबार भएको छ।

सर्वाधिक सेयर खरिद–बिक्री हुने दोस्रो कम्पनीमा सप्तकोशी डेभलपमेन्ट बैंक बैंक रहेको छ। उक्त कम्पनीको प्रतिकित्ता एक हजार २७८ रूपैयाँ २० पैसामा ३५ करोड २६ लाख रूपैयाँ बराबरको सेयर कारोबार भएको छ।

आज कारोबारमा आएका १३ वटा समूहगत परिसूचकमध्ये सबै समूहको परिसूचक बढ्दा समग्र नेप्से बढेको हो।

यसदिन लघुवित्त समूहको परिसूचक सर्वाधिक ४.९२ प्रतिशतले बढेको छ।

यस्तै, निर्जीवन बीमा समूहको परिसूचक ३.७१ प्रतिशतले बढेको छ।